新舊 Switch 同 Switch OLED 版本有咩分別?

因為大家租用Switch的反應好熱列, 而當中都好多人未好了解新版本Switch OLED係咩, 所以今次小編就寫呢篇文, 希望您地係租機前都大概了解分別。

講解之前, 先望下2部機既樣：

​Switch OLED (新版)	​Switch (舊版)

就咁睇, 除左顏色之外, 好似都冇咩大分別。

冇錯, 因為今次改版既野不算好大, 但都係彌補返舊版Switch既不足, 例如螢幕既尺寸大左(成部機冇大到), 螢幕顏色更靚, 儲存既容量大左, 主機支架穩定, 仲可用插上網線添！不過, 好細節既野我就唔講, 因為唔係叫你買機, 而係幫你係租機果陣可以知道自己想要邊款。所以會比較簡而精：

1. 屏幕

新版OLED既主機, 邊框收窄左, 令到個螢幕更大;

同時, 新版採用OLED屏幕, 比舊版用既LED屏幕, 畫面更為鮮豔同更高對比度

以玩果陣會開心D, 睇得舒服D。拿, 記住, 總機台尺寸係冇變既。

新版 7 吋 OLED 屏幕 舊版 6.2 吋 LED 屏幕

2. 主機支架穩定

新OLED改左主機既支架, 令到擺放主機更方便, 同埋可以調較角度, 同更穩定, 冇咁易跌。

Switch OLED 支架 Switch 支架

3.上網線 (可線LAN線)

舊版本要連線上網同網友打機, 基本上只可以靠無線Wi-Fi, 但如果Wi-Fi唔穩定, 或要對上網要求高既人, 咁就需要新版本OLED喇。

因為新版本OLED就多左個LAN線連接口, 可以令您減小無線網路造成既延遲, 令您打機打得更暢快！

Hong Seng Shop建議：

一般如果係打算租用果陣, 會連電視既話, 咁新同舊版本就冇咩太大分別, 因為到時係睇電視既畫質。所以租用舊版本就夠。

但如果你係打算拎住黎玩, 又或者會帶出街同朋友玩, 又或者對網路要求高既人, 又或者有朋友黎而想曬下命…等等, 咁新款Switch OLED就會岩您D

想租返部機玩？

Switch 租用申請表

請先填妥以上申請表, 我地會有專人幫你Check下個檔期 🙂

玩得開心D~